Cymraeg I Saesneg
  




CYNNYRCH - Ymweld â’r Siop

Mari sydd wedi creu yr holl eitemau a welir yma. Mae pob darn wedi ei wneud yn ofalus â llaw gan roi gwedd unigryw i bob un. Defnyddir Arian yn unig ar gyfer y darnau.

Llechen
Mae’r llechen Gymreig yn fyd enwog oherwydd ei safon uchel ac yn ddeunydd pwysig yn hanes a diwydiant y wlad. Yn ei ffurf naturiol mae’n eithaf garw ond wrth ei gweithio mae’n trawsnewid i fod yn llyfn ac esmwyth. Mae’r darnau gorffenedig yn ysgafn a chywrain gyda lliw cyfoethog sy’n cyferbynnu’n effeithiol gydag aur ac arian.

Cerrig

Mae’r cerrig yn werthfawr yn yr ystyr eu bod wedi eu siapio yn naturiol i fod yn dalpiau llyfn bychain sy’n fôr o liwiau cudd. Rwy’n dewis a dethol pob carreg yn ofalus, yn eu drilio ac yn rhoi sglein arnynt gan eu cyfuno gydag amrywiaeth o berlau dwr croyw a gleiniau. Mae’n emwaith cyfforddus a thrawiadol ac mae olew naturiol y croen yn ychwanegu sglein i’r cerrig wrth eu gwisgo.

Pren
Rwy’n defnyddio derw, derw du hynafol yn ogystal â choed eraill. Mae lliwiau hynod a graen arbennig y pren i’w gweld yn y darnau gorffenedig.

Oherwydd natur y deunyddiau gall ymddangosiad y gemwaith amrywio ychydig o'r enghreifftiau a welir yma. Byddaf hefyd, o bosib, yn gwneud mân newidiadau i'r cynlluniau o dro i dro.

 

  

Ebrandy, Mallwyd, Machynlleth, Powys, SY20 9AE, 01650 531662, info@marieluned.co.uk
©2007 Mari Eluned. Site Design by www.giselles.co.uk. Photography by www.photographyburns.com

Hafan I Cefndir I Cynnyrch I Comisiynu I Manylion Pellach I Golygyddol I Sylwadau I Tocyn Anrheg I Cysylltu I Telerau ac Amodau I Gwadiad I Dolenni
Hafan Cefndir Cynnyrch Comisiynu Manylion Pellach Golygyddol Sylwadau Tocyn Anrheg Cysylltu Siopa