Yn fy ngweithdy yn Mallwyd, Meirionnydd rwy’n creu gemwaith unigryw allan o lechen, pren a cherrig gan eu cyfuno â metalau gwerthfawr. Wrth weithio’r deunyddiau maent yn datgelu lliwiau a phatrymau trawiadol a gorffeniad llyfn dymunol.

Daw fy ysbrydoliaeth yn bennaf o’r amgylchfyd, byd natur a’r tirwedd sydd o’m cwmpas. Rwy’n dylunio a chreu gemwaith unigryw o safon uchel ar gyfer pob achlysur. Mae’r darnau yn anghyffredin ac yn fodern tra’n ceisio glynu at wedd organig y deunydd. Mae pob darn wedi ei greu â llaw gan ddefnyddio ystod eang o dechnegau a berffeithiais tra’n dilyn un o’r cyrsiau gradd mwyaf blaenllaw ym Mhrydain. Rwy’n ymfalchïo yn safon y crefftwaith a gwreiddioldeb y darnau.

Mae gennyf gasgliad gwreiddiol o gadwyni, breichledi a chlustdlysau wedi eu llunio o ddeunyddiau Cymreig ac rwy’n siwr y gwelwch rywbeth i’ch plesio. Fodd bynnag, os oes gennych gynllun eich hunan neu angen steil neu liw penodol gallaf gynllunio a chreu darn arbennig i chi.

Diolch am eich diddordeb a mwynhewch y casgliad.