CEFNDIR MARI

Magwyd Mari ar fferm Tyddyn Du, Cwm Hafod Oer ar gyrion Dolgellau ac yn fuan iawn gwelwyd bod ganddi ddawn greadigol naturiol. Datblygodd y ddawn hon yn ystod ei chyfnod ysgol a choleg ac erbyn hyn mae wedi llwyddo i wneud gyrfa ohonno.

Wedi i Mari ennill gradd Dosbarth Cyntaf fel gemweithydd ym Mhrifysgol Loughborough yn 2006 fe sefydlodd weithdy yn ei chartref yn Ebrandy, Mallwyd. Mae’n adeilad hynafol, llawn cymeriad ac yn hanesyddol, yma bu’r porthmyn yn aros i borthi eu hanifeiliaid. Yno mae hi’n cynllunio a chreu darnau unigryw o emwaith o ddeunyddiau naturiol megis llechen a phren ac mae’r casgliad yn cynyddu a datblygu’n barhaol.

Cymwysterau - BA Anrhydedd (Dosbarth Cyntaf) Gemweithydd a Gof Arian
Prifysgol Loughborough 2003 - 2006

Cwrs Sylfaen Celf a Dylunio (Clod Uchel)
Coleg Menai, Bangor 2002 - 2003